જ્યોતિષ શાસ્ત્રમાં જણાવ્યા અનુસાર, ઓગસ્ટનો મહિનો તમામ રાશિના જાતકો માટે અતિ મહત્વપૂર્ણ રહેવાનો છે. જેનું કારણ છે કે, ઓગસ્ટ મહિનામાં ઘણા મોટા ગ્રહો રાશિ પરિવર્તન કરવા જઇ રહ્યા છે. જે કારણે ઘણા યોગ અને રાજ યોગ સર્જાઇ રહ્યા છે. જેની અસર તમામ રાશિના જાતકો પર થશે.
ઉલ્લેખનીય છે કે, 07 ઓગસ્ટ 2023ના રોજ ગુરુ અને ચંદ્રના સંયોગના કારણે ગજકેસરી યોગ સર્જાઇ રહ્યો છે. જ્યોતિષ શાસ્ત્રમાં આ યોગને ખૂબ જ ફાયદાકારક માનવામાં આવે છે. જે વ્યક્તિની કુંડળીમાં આ યોગ બને છે, તેમને કાર્યક્ષેત્રમાં બઢતી, સમાજમાં માન-સન્માન અને આર્થિક ક્ષેત્રે પ્રગતિનો લાભ મળે છે.
મેષ રાશિ પર ગજકેસરી યોગની અસર –
મેષ રાશિના જાતકોને ગજકેસરી યોગના સર્જનથી લાભ મળશે. આ દરમિયાન ક્ષેત્રમાં પ્રગતિની તકો મળશે. આ સાથે પ્રમોશનની પણ શક્યતાઓ સર્જાઈ રહી છે. આ સાથે વ્યક્તિને આર્થિક ક્ષેત્રમાં પણ લાભ મળશે. આ સમયગાળા દરમિયાન ભાગ્ય તમારો સાથ આપશે. જે લોકો લગ્ન માટે યોગ્ય જીવનસાથી શોધી રહ્યા છે, તેઓને પણ સારી ઓફર મળી શકે છે.
કર્ક રાશિ પર ગજકેસરી યોગની અસર
કર્ક રાશિના લોકો માટે ગજકેસરી યોગ ભાગ્યશાળી સાબિત થશે. વિદ્યાર્થીઓ માટે આ સમય ઘણો મહત્વનો રહેવાનો છે. સ્પર્ધાત્મક પરીક્ષાઓની તૈયારી કરી રહેલા વિદ્યાર્થીઓને આ સમયગાળા દરમિયાન સફળતા મળી શકે છે.આ સાથે ધનના નવા સ્ત્રોત પ્રાપ્ત થશે, જેના કારણે આર્થિક સ્થિતિમાં સુધારો થશે. ગજકેસરી યોગના સર્જનથી લાંબા સમયથી ચાલતી સમસ્યાઓ પણ દૂર થઈ શકે છે.
મકર રાશિ પર ગજકેસરી યોગની અસર
મકર રાશિના લોકો માટે ગજકેસરી રાજયોગ ફળદાયી સાબિત થશે. આ દરમિયાન મકર રાશિના જાતકોને કોર્ટમાં સફળતા મળશે અને ભાગ્યનો પૂરો સાથ મળશે. આ સમયગાળા દરમિયાન તમે જમીન, મહાન અથવા વાહન વગેરે પણ ખરીદી શકો છો. આ સાથે માન-સન્માનમાં વધારો થશે અને લાંબા સમયથી અટવાયેલા પૈસા પાછા મળવાના સંકેતો છે.